金色飾物可能好容易令人聯想起成熟或者老氣嘅感覺,但近年隨住「輕珠寶」興起,淡金色飾物嘅出場率亦都愈嚟愈高。不過金色飾物表面上睇落可能覺得差唔多,但其實會使用各種唔同嘅材質。
今次分享下金色飾物嘅3種唔同材質:

1/ K金
K 金係指用黃金同其他金屬一齊熔煉嘅合金,得出嘅金屬就叫做K金。由於黃金特性比較柔軟而唔適合用嚟鑲嵌寶石,所以會加入銀、銅、鋅等金屬,用意係要增加強韌度。

2/ 鍍金
鍍金係利用電解原理,在銀、銅、或其他基底金屬表面,透過電鍍液鍍上一層金膜,而常見電鍍顏色有玫瑰金、香檳金、K金、黑金等等。另外,加工成本會影響電鍍液嘅成分,最終成品嘅電鍍層嘅厚度都會有所不同。

3/ 包金
包金係將金箔以機械壓製方式包覆於其它金屬表面,結合力強而且耐磨度高,因此唔會容易脫落。