02
10.2018

芳療小分享: 暈車浪必備精油大公開

環球旅遊(其他)  

 

大家出遊時最擔心發生咩事?唔舒服、唔見野、盪失路等等?! 有一樣可能係最不為人留意,但又係最困擾嘅,就係暈車浪。

 

有d朋友仔一坐長途機,長途巴士,或者坐船,未到步就已經要叫救命!其實暈車浪嘅醫學名稱係「MOTION SICKNESS」。我們嘅腦部會透過眼睛和內耳朵嘅半規管來感應空間感。當我們置身係交通工具之中,內耳會感覺到細微且肉眼看不見嘅身體移動,當大腦接收到這兩邊分歧嘅訊息個陣,便有可能會形成暈眩嘅感覺,有些人更甚可能會出現噁心、嘔吐同冒汗嘅徵狀。

 

相信好多人都會見到d公公婆婆坐車坐船時,會預先搽定d 藥油黎止暈,無奈當我一聞到呢d藥油味嘅時候,本來明明唔想嘔就會反而搞到想嘔,好大件事!暈車浪個陣成身都無力,個胃又好似攪下攪下咁,成身唔多舒服,呢種無能為力嘅感覺,相信無咩人會喜歡。

 

有無諗過自己都可以動手DIY支止暈止嘔成份全天然嘅精油滾珠黎旁身吧~

 

以下就同大家分享一個超簡單嘅方法啦。

 

DIY止暈Roll On滾珠:

 

村料:

4滴 Peppermint Essential Oil 薄荷精油+10ml 綜合複方純植物油 混合在一支Roll On滾珠中。

 

用法:

可以搽係太陽穴,胸口同胃下嘅位置,亦可以直接吸入來助舒緩。

有時我會將精油滴係紙巾上吸入,來達到安撫效果。亦可以令唔舒服嘅身體得到放鬆,不安嘅心靈同時得到安慰。

 

 

其他建議可用嘅精油:

 

Grapefruit Essential Oil 西柚精油

Bergamot Essential Oil 佛手柑精油

Ginger Essential Oil 薑精油

Lavender Essential Oil 薰衣草精油

Frankincense Essential Oil 乳香精油

Geranium Essential Oil 天竺葵精油

 

另外,係出發亦可以選擇食d比較清淡嘅食物,又可以係搭車之前1小時左右,飲定d薄荷茶。仲有可以預備d話梅、生薑片等。因為梅係我地消化之後,可有效中和體內酸性,亦對預防暈車浪有一點效果。

 

而搭車個陣,如果比較易暈車浪嘅朋友可以坐前d嘅位置,視線向前同看遠d都會無咁易暈車浪,而坐車個陣個頭盡量靠住椅背,咁架車行緊時嘅搖晃造成暈眩感亦會降底,仲有打開窗保持空氣流通,都有幫助的。

 

當然最天然又有效就係運用芳香療法啦。之前同大家開心share嘅滾珠Roll On真係好方便,只要隨身攜帶,無論係出遊時要坐長途車,定係平時遇到急煞公共交通工具、擁擠悶熱嘅MTR又好,呢支DIY 嘅Roll On都可以大派用場,既可以舒緩暈車浪時嘅噁心同暈眩,又可以令人感到清涼嘅甜味。

 

當你感到有d暈眩、唔舒服個陣,就可以直接將精油滴係手巾/品質優良嘅紙巾上直接嗅聞,而除咗岩岩介紹過嘅精油之外,我有時亦會用到一些複方精油;因為好方便唔洗自己mix blend,只要加入綜合複方純植物油來稀釋就可以了。

 

複方精油一,內含檸檬草、迷迭香、茶樹、香桃木、香茅、薰衣草成份。

呢支複方精油有淨化效效,能產生乾淨、清爽、令人振奮嘅香味,仲可以用黎清潔同舒緩肌膚,對蚊叮蟲咬後亦有顯著幫助。可以係坐車前將呢支複方精油搽小小後耳。

 

複方精油二,內含薄荷、綠薄荷、生薑、豆蔻、茴香成份。

呢支複方精油既可以平撫偶發性壓力,亦可以舒緩暈船,暈車所導致嘅作嘔感,帶來平和、放鬆同鎮靜情緒。

只要簡單將呢支精油搽係太陽穴同肩頸,就可以有效緩解反胃嘅不適感。

 

 

此外,小朋友成日都可能會話公共交通工具有陣味,同覺得好車箱好焗,呢個時候小朋友可以用比較溫和嘅嗅聞方式,Lemon Essential Oil 檸檬精油對小朋友亦係一個不錯嘅選擇,可以簡單打開蓋去嗅吸,亦可以將一滴Lemon精油滴係紙巾上來聞。

 

大家都可以係出發時應用這些芳香療法小知識,可以安心出遊。以後暈車浪‬‪、‎暈船浪‬、 ‎反胃‬、‎作嘔‬,都再無有怕了。唔好再比暈車浪阻擋大家探索世界呀。

 

我和孖寶的Facebook Page: 荔枝與孖寶 

發表於2018.10.02
留言(0)
博客名稱 :
荔枝孖媽
網誌名稱:
荔枝與孖寶
使用天數:976
性別:
年齡:35
按月份瀏覽
    2018
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
    2017
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 美容時尚
  • 飲食烹飪
  • 環球旅遊
  • 親子育兒
  • 數碼科技
  • 生活品味
  • 藝文創作
  • 電影戲劇
  • 星座算命
  • 戀愛心情
  • 其他
自行分類