03
10.2017

【天然美肌提升效果】評價LPG M6面部護理療程@Skin 24

美容時尚(護膚)  

女人真係唔可以懶㗎!雖然逐漸衰老,係人生嘅必經階段。但相信冇人會希望人老珠黃嘅日子咁快就來臨加嘛!尋覓抗衰老方法,時刻保持肌膚靚靚係女人嘅終生事業。去到咁上下年紀,肌膚就會出現各種問題,好似皺紋、膚色、鬆弛、色斑、雙下巴等等逐漸浮現。今次去Skin 24嘅目的,就係睇下佢哋嘅LPG Endermologie®面部護理療程有幾大威力。估唔到第一次試完LPG已經見到效果喇!下面就為大家評價LPG M6面部護理療程嘅過程同功效啦!
Skin 24位於尖沙咀,交通方便,放工後唔駛半個鐘就去到喇!


推門而進,見到木板堆砌而成嘅reception,感覺好天然、舒服~


唔只reception,就連梳化呢邊都用咗相同嘅木材設計,感覺就好似置身於大自然之中咁呀!

第一次嚟做treatment,當然要填番少少個人資料先啦!

環顧四周,有個corner位做咗梳妝枱~

而枱嘅對面就係洗手間,地方雖小,但卻五臟俱全~

通過幾個房間,就會到達我做treatment嘅房喇!


房間比想像中較大,一般美容院啲房務求善用空間,都會將張床靠牆擺放。而呢度可以將床放正房嘅中間,仲有位置走動,空間感唔錯!


呢部就係今次療程嘅主角 - LPG M6機,據聞LPG能做到多種效果,面部療程就擁有撫平皺紋、收緊肌膚、淨化膚色、改善雙下巴等功效。事不延遲,馬上開始囉!


美容師首先幫我潔面,手勢唔錯,好舒服~


洗完面之後,精神爽利,感覺肌膚好似光潔雪白咗~ XD


然後就將一啲特別嘅美容液印上面上,美容液有助做LPG M6機嘅效果更顯著㗎!


美容師開始同我做機喇!首先由頸開始做,跟住到面部,之後到額頭。每個部份都慢慢來回打圈,感覺儀器不停按壓拍打肌膚。唔怪之得話會有收緊效果啦!用LPG M6機比起人手效率快咁多,效果自然好得多~


唔會遺漏面部每一個部份,就連眼眉都不停由內至外咁做,細心又體貼~


30分鐘嘅做機過程完成,等我評價做LPG M6面部療程嘅過程先!期間唔會有一般thermage或HIFU嘅痛楚感,唔需要搽麻醉膏或食麻醉藥都可以好舒服咁進行,舒服到有幾段時間差啲瞓著咗。不過面部有輕微泛紅,都屬正常現象。美容師話我做完之後右邊輪廓明顯提升咗,本來係肥啲嘅!...==''' 真係?一陣就攞啲相嚟對比下先~

接住落嚟!就到15分鐘嘅敷mask程序喇!

個mask好厚,有啲重量。聞住淡淡香味嘅mask,好舒服,話咁快就瞓著咗!放工太攰喇!^^'''

起番個mask出嚟後,潔面同搽護膚品,45分鐘嘅療程就完成!


做完之後,感覺面部肌膚緊緻咗!而且摸落去都滑咗呀!o^^o


臨走之前去多次洗手間,趁住照鏡又影多張,個樣好似精神咗喎!而且肌膚飽滿彈滑,又光澤咗添!

透明質酸能夠提高肌膚嘅豐盈度及含水量,膠原蛋白可以強化膚質及增強緊緻度,而彈性纖維就有效柔軟肌膚。科學研究證實LPG®微型機動活瓣機頭有效激發肌膚自生透明質酸,頻率吸力唔同程度嘅頻率負壓吸力可刺激唔同層次嘅肌膚發揮功效,除咗可以幫助肌膚表層,更可深入至底層嘅成纖維細胞、微循環、淋巴系統及脂肪層。而活瓣機動脈衝刺激細胞活動,有效緊緻肌膚、減淡皺紋,使肌膚更豐盈、富彈性、重塑輪廓,而透明質酸具有強效補濕及使肌膚還原豐盈富彈性之功效。

ENDERMOLIFT™天然美肌提升係首個無創、安全,而且證明有效刺激自生透明質酸達80%嘅技術,令肌膚變得更健康同年輕。有效深層活化肌膚真皮層,從內而外都得到明顯改善;有效擊退令肌膚老化嘅主要元凶;延緩劣質膠原蛋白之生長,從而促進優質膠原蛋白之合成,令肌膚緊緻度提升、皺紋減淡;彈性纖維自我增生提升,令肌膚更有彈性。

最後畀番個總評價LPG M6面部療程先!今次療程帶畀我一個嶄新嘅體驗,唔駛煩複嘅步驟就已經做出明顯效果,好滿意呀!最鍾意Skin 24嘅係美容師服務好,而且冇hard sell、冇壓力。整個過程都令我感到好舒服,仲有種賓至如歸嘅感覺添!我下巴位較易敏感,如果一敏感就會感覺痕同甩皮。療程使用全天然方式,敷完mask下巴位都冇紅冇痕就證明無添加化學成份啦!第一次試就已經有肌膚重生嘅感覺,冇諗過效果咁快,自信心又番番晒嚟喇!療程首三個月每星期做兩次,打好咗個底,其後每個月keep住做兩次就可以保持住靚靚肌膚喇!皮膚靚咗!自然可以成日都保持自信,零死角視人啦!功效顯著,衰老過程得以延緩,值得推介呀!


LPG M6
網址:https://www.lpghk.com
facebook:https://www.facebook.com/lpghk


Skin 24
地址:尖沙咀加拿分道4-4A利嘉大廈1601室
電話:2468 1977
網址:https://www.skin24beauty.com
facebook:https://www.facebook.com/skin24beautyhk


FIND US on:
     

BLOGs:

CONTACT US:

發表於2017.10.03
留言(0)
博客名稱 :
晴朗媽媽
網誌名稱:
晴朗天 - 食·玩·育·美·愛の親子平台
使用天數:518
年齡:1
電郵:chinglongtin@gmail.com
按月份瀏覽
    2017
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
    2016
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 美容時尚
  • 飲食烹飪
  • 環球旅遊
  • 親子育兒
  • 生活品味
  • 電影戲劇
  • 攝影寫真
  • 其他
  • 財經生活