17
08.2017

請假攻略 2018:請4日放10日 附旅遊推介!

環球旅遊(其他)   生活品味  

【 請假攻略 2018 】請4日放10日 附旅遊行程推介!

2017年可算係難捱嘅一年,因為打從6月起至年尾12月,撇除周末後就只得4日公眾假期,紅日少得可憐!不過幾時都話希望在明天吖嘛,2018年大家唔使再捱得咁辛苦喇!政府已經公布2018年嘅 公眾假期 ,如果係返5天工作制又放星期六、日嘅打工仔,幾乎每個月都可以自製長假期!

 MoneyHero.com.hk 幫大家列出晒2018年嘅 請假攻略 ,仲幫你睇埋去邊度旅行好,係時候諗定放邊幾日,預早買定平機票!

2018請假攻略-12月

2017聖誕放到下年元旦 > 請3日放10日

聖誕想去玩嘅話好快啲請定假,今年聖誕節假為12月23日﹙星期六﹚至12月26日﹙星期二﹚,若果請12月27至29日3日假,連同之後周末兩日及2018年元旦假期,一共可放10日長假。

旅遊行程推介︰ 白色聖誕好多人都想過,可惜香港冇雪落,唔想荷包太重負擔可以去韓國滑雪!每年11月至3月是韓國雪季,韓國近年亦成為熱門嘅滑雪聖地,單係首爾附近已經有十幾個滑雪場,所以交通非常方便, 適合一家大細去體驗一下。

 

2018請假攻略-2月

2018農曆新年 > 請4日放10日

下年農曆新年年初一定於2月16日,由於年初三係星期日,所以2月19日年初四﹙星期一﹚會補假一天,即係話只要請2月20至23日,加埋之後周末兩日,一共放到10日假。

旅遊行程推介︰ 唔係一定要搭飛機先係去旅行嘅,去遊船河都得!香港而家有啟德郵輪碼頭就方便得多,大把航班你揀!想豪啲遊歐洲線嘅話,每位1萬蚊左右;但如果想價錢實惠啲就可以考慮遊亞洲線,大概6千蚊位。

 

 

2018請假攻略-4月

受難節+復活節+清明節 > 請3日放10日

2018年受難節定於3月30日﹙星期五﹚,而復活節則是4月2日﹙星期一﹚,清明節在4月5日﹙星期四﹚,連同頭尾周末兩日,只要請4月3、4和6日,就可由3月30日放到4月8日,前後一日放10日!

旅遊行程推介︰ 每年3月尾至4月頭,大家嘅Facebook都會比日本櫻花相洗版。櫻花開花期非常短暫,而且年年都唔同,要睇到最盛開嘅一刻真係要講運氣。不過下年呢段期間咁啱可以請3日放10日!應該點都唔會錯過櫻花期啦。

勞動節 > 請1日放4日

5月1日﹙星期二﹚為勞動節,連同4月28、29日兩日周末,只要請4月30日﹙星期一﹚就可以連放4日。

旅遊行程推介︰ 4日又唔夠去歐美,但去長洲、澳門又唔似去咗旅行喎,咁不如近近哋去泰國芭達雅嘆個陽光與海灘啦!嗰到有最出名嘅格蘭島、金象島同月光島俾你揀,啱曬鍾意玩水上活動嘅朋友!  

 

2018請假攻略-5月

佛誕 > 請1日放4日

與上述方法一樣,由於佛誕定於5月22日﹙星期二﹚,連同5月19、20日兩日周末,只要請5月21日﹙星期一﹚就可以連放4日。

旅遊行程推介︰ 五月中啱啱撞正新加坡一年一度嘅熱賣會﹙5-7月﹚,國內店鋪多種貨品大減價,甚至低至3折優惠,由名牌時裝、鐘錶、珠寶、精品到電器樣樣都有特別折扣。除此之外, 仲有特別新增嘅夜間購物時間﹙Late Night Shopping﹚俾大家瘋狂掃貨。  

 

2018請假攻略-6月

端午節 > 請2日放5日

端午節定於6月18日﹙星期一﹚,只要請6月15日﹙星期五﹚及19日﹙星期二﹚,連同周末就可以請2日放5日。

旅遊行程推介︰ 如果想六月去個短短哋旅行嘅話, 可以諗下參加馬來西亞6月15至17日嘅開齋節。開齋節係馬來西亞最重大嘅宗教節日之一,大家可以食到全國各地嘅正宗馬來美食。同時,馬來西亞亦有好多島嶼,同泰國一樣係享受陽光與海灘嘅好地方。

回歸 > 請2日放5日

由於2018年回歸日﹙7月1日﹚為星期日,所以7月2日﹙星期一﹚補假一天。連同星期六,只要請6月29日﹙星期五﹚和7月3日﹙星期二﹚,便可自製5日假期。

旅遊行程推介︰ 去幾日旅行嘅話,好多人都會選擇去台灣。襯回歸可以請2日放5日,不如考慮去台東睇熱氣球啦!每年台東都會搞個一年一度嘅熱氣球嘉年華,邀請各國熱氣球高手帶同造型氣球前嚟參與。另外,仲會有熱氣球自由飛行表演、熱氣球繫留體驗、熱氣球自由飛空中遊覽同光雕音樂會等活動。

 

 

2018請假攻略-9月

中秋節 > 請1日放4日

中秋節翌日定於9月25日﹙星期二﹚,只需請9月24日﹙星期一﹚,連同周末就可以連放4日。

國慶 > 請1日放4日

10月1日(星期一)為國慶日,只要請9月28日﹙星期五﹚或10月2日﹙星期二﹚,就可有4連假,甚至請晒兩日連放5日。

旅遊行程推介︰ 9月嘅青島不冷不熱,萬里晴空,係當地最佳旅遊月份。「青島最美的地方是八大關。八大關最美的時候是深秋。」所以9月份去青島必定要去八大關感受一下滿地黃葉的銀杏大道。而八大關的建築集合了俄、英、法、德、美、日、丹麥等20多個國家的建築風格,有「萬國建築博覽會」之稱。

 

 

2018請假攻略-10月

重陽節 > 請4日放9日

重陽節定於10月17日﹙星期三﹚,只要請晒星期一、二、四、五﹙10月15、16、18、19日﹚,加埋前後2個周末,即可連放9日長假期。若然覺得太過份﹙?﹚,可以只請其中兩日,連同周末都可以連放5日。

旅遊行程推介︰ 尼泊爾每年嘅10月至5月為旱季,較少雨量;10月和11月更係當地最佳旅遊季節,可以去徒步﹙Trekking﹚或登頂,大家可以喺當地僱用嚮導或者背伕一同徙步。除咗徒步,大家亦可以乘機體驗滑翔傘及小型飛機。

 

2018請假攻略-12月2018

聖誕節+元旦 > 請4日放11日

2018年的聖誕節及Boxing Day為星期二及三﹙12月25、26日﹚,只要請12月24、27、28及31日,連同前後兩個周末及2019年的元旦紅日,就可以實行請4日放11日!

旅遊行程推介︰ 今年滑完雪,下年做乜好?一生人點都要試一次同聖誕老人一齊過聖誕!要搵聖誕老人當然要去芬蘭嘅「聖誕老人村」,除咗可以寄聖誕卡、同聖誕老人Selfie,仲可以跨越北極圈線同喺Passport蓋返個「抵達北極」印!而12月至3月仲係芬蘭睇北極光嘅最佳季節!

放長假唔去旅行好嘥,不過去旅行唔順便儲分儲里數仲嘥啊!出發前記得準備張最抵用嘅海外購物信用卡,唔知邊張卡適合你嘅話可以上 MoneyHero.com.hk 免費比較同即時申請各大銀行嘅信用卡。  

海外購物必備信用卡︰享盡海外簽賬優惠

Citi Cash Back Visa信用卡

Citi Cash Back Visa信用卡

憑Citi Cash Back Visa信用卡作任何外幣簽賬,均可享無上限2%現金回贈,相等於抵消1.95%海外交易手續費。迎新期內新客戶頭2個月只需簽滿HK$15,000,最高可獲HK$1,500 現金回贈。另外,而家經MoneyHero.com.hk成功申請Citi Cash Back Visa信用卡,仲額外送$200現金劵!

立即申請  

星展DBS Eminent Card

dbs-eminent-cardDBS Eminent Card作任何外幣簽賬,均可享有無上限2%現金回贈,啱啱夠抵消1.95%海外交易手續費。而本地簽帳則可享無上限1%現金回贈。而家經MoneyHero.com.hk成功申請DBS Eminent Card,仲送你額外$200現金劵及$100現金獎賞! 立即申請  

 

渣打亞洲萬里通萬事達卡

c_1034

渣打亞洲萬里通萬事達卡迎新期內簽滿$7,500就有15,000里數,其後每簽HK2賺1里數(上限HK$170,000),即合共最多100,000里數,優惠期由2017年7月1日至2017年9月30日。迎新過後,食肆、網上及海外簽賬全年$4=1里數,仲要每個月自動幫你兌換里數同存入你嘅「亞洲萬里通」賬戶內,又唔收手續費,好適合用嚟儲里數!

立即申請

 

Book機票酒店前,先睇:2017信用卡旅遊優惠集合

買旅遊保險前先比較下:MoneyHero 旅遊保險比較

相關閱讀:【日本紅葉攻略】東京10大賞楓必去景點2017

文章轉載自:MoneyHero.com.hk -【 請假攻略 2018 】請4日放10日 附旅遊行程推介!

 

 

發表於2017.8.17
留言(0)
博客名稱 :
MoneyHero
網誌名稱:
MoneyHero's blog
使用天數:959
性別:
年齡:1
電郵:crystal@moneyhero.com.hk
按月份瀏覽
    2017
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
    2016
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 飲食烹飪
  • 環球旅遊
  • 數碼科技
  • 生活品味
  • 戀愛心情
  • 其他
  • 財經生活
  • 台灣館
自行分類