image

網上面成日介紹唔同歐洲特色小食,但其實有好多都未必係個個鐘意食,甚至乎見到都唔想食,例如馬爾他餡餅或者吉拿棒咁樣,無咩味。所以而家就為大家推介3款可以變幻無常嘅美食。

1. 咖哩香腸(Currywurst)

image

(圖片來源)

德國香腸你一定有聽過啦,所以咖哩香腸係德國會見得特別多,基本上每個檔都會賣架啦,最basic嘅係茄汁 + 咖哩粉,再配薯條。

image

(圖片來源)

有時都會見到小販周圍咩住成檔野周圍行架,咁都可以開到檔,係咪好誇張呢,成個捉鬼敢死隊咁。

image

(圖片來源)

咁當然好似burger咁,會有唔同嘅配搭,但最core嘅都係條腸,有時會唔配薯條,會真係有個burger配埋。

image

(圖片來源)

image

(圖片來源)

講得腸仔,德國香腸一定要試下,就算唔食currywurst都要試呀!味道完全唔同架。德國腸嘅重點就係大條。

image

(圖片來源)

尤其是喺火車站,你係一定會見到最少五,六間鋪頭有賣德國腸,而且個價錢會貴啲。

image

(圖片來源)

所以窮L小編建議大家去路面度買而唔好係火車站買呀,係街度嘅store除左平啲之外,仲多款式好多,而且本人覺得街上面嘅好食啲,可能因為火車站客人趕時間,所以燒得無咁好掛。而且分分鐘好彩嘅仲會好似currywurst咁,搭埋其他小食比你!

image

(圖片來源)

2. 意大利雪糕

土耳其雪糕相信大家都成日見到,口感非常好,不過缺點就係單調。而意大利雪糕除左有無數咁多種款之外,仲要個份量好多呀!係真正嘅一球,而唔係好似而家香港街邊買嘅一球其實係一個乒乓波都無!但又賣得貴,真係激死人。

image

(圖片來源)

睇下,有圖有真相,潟哂出黎咁濟。

image

(圖片來源)

image

(圖片來源)

拿,無介紹錯喇掛。仲覺得單調得濟!?得,無問題,望吓下面張圖。有啲係直程有料係上面。夠哂抵食啦掛。

image

(圖片來源)

3. 卡巴(Kebab)

image

(圖片來源)

呢個真係唔洗諗,冇食過真係唔好話去過歐洲。呢樣係真係窮L小編去歐遊嘅時候成日都食。一嚟賣得平,二黎抵食,食得好飽,有肉有菜,去旅行驚掛住食小食而屙唔出屎?Kebab入面至少有3款蔬菜,雖然唔多,但搭埋啲汁同埋肉,非常好味。

image

(圖片來源)

喺餐廳嘅話,款式仲加多,甚至有飯配埋比你添!

image

(圖片來源)

窮L小編最鐘意同埋成日食嘅就係呢款,啲料真係足到爆炸。小編以為見過最平只係要1.5EUR,但係有其他人同我講過奧地利好多地方賣緊1EUR 或者0.8EUR添,真係痴線,你去下尖沙咀或者西九龍中心睇下,得1/3咁嘅size要40HKD。不過係東歐地區物價平啲先有咁抵。如果係中南歐例如德國,意大利咁樣,大約要2.5 - 3EUR。

image

(圖片來源)

三款美食窮L小編都試過,最鐘意始終係Kebab,仲試過三餐都係食佢添。窮遊歐洲驚洗大左,或者想買定嘢之後路上食都可以去買Kebab,不過小心,陣肉味真係好強架,會整到你個袋成陣味。

相關文章:

做好準備未?可能肚餓變想嘔!

慎入!千奇百怪的各國「美食」

▲認識KKday▲
KKday-世界旅遊體驗網站,在全球 54個國家,174 個城市, 有 5000多種不同的行程與體驗。 KKday內有最特別、最意想不到的的世界行程體驗!不論你想當一日忍者、乘坐直升機享盡奢華旅程、還是你想要與猩猩共進午餐…KKday滿足旅人不同的喜好。KKday幫你省去在各論壇爬文找資料的麻煩,一站解決安排行程的困擾!現在,想來一場與眾不同的旅行就來KKday找行程,一起去冒險吧!
KKday 網頁: www.kkday.com
KKday Facebook: KKday