11
09.2017

[走進中國。湖南] 果然有點味道@南嶽衡山 DAY1

環球旅遊(中台)  

成日都想成班人去旅行,不過人大了,日子就難夾。所以好難得夾到返大陸遊下山水,真係有小小未出發先興奮。

今次就決定衝出廣東,入湖南,會一會南嶽衡山派的高手。

為左爭取最多時間,我地星期五晚由堔圳出發,坐K9122班次直到<<衡陽>>站。因為係晚上21:42開出,在車上的硬卧瞓一晚,變相慳左時間同酒店錢,一大班人瞓火車都係一種深刻既回憶。

第二次坐硬卧,睡眠質素比第一次的差。旅伴為哥,瞓係下層,整晚喃喃自語:「瞓唔著阿」。然後又食他帶來的品客薯片。我心諗你食左成晚薯片,當然瞓唔著喇。

清晨6點左右,到達<<衡陽>>站。一出站,我簡直就似明星般,被勁多人圍住,不過可惜係司機大佬。今次旅伴就決定包車前往,而且旅伴阿雨係殺價高手,每人只要三十塊。於是司機等我地食完早餐後,開車前程<<衡山>>景區。

司機大哥話可以介紹酒店畀我地,而且有得平,我地聽到價錢後,覺得可以。就等老板係衡山山腳接我地上山。<<雲峰山莊>>呢家旅館感覺都唔錯,比較高級的農家樂。不過後來發現呢間旅館位置先係最大既伏,因為又唔上又唔落。

安頓後都已經差唔多中午,於是係旅店食埋飯,老闆煮得一手好菜。

在老闆既指引下,我地打算登頂,不過老闆指引既係要行一條山路,話係捷徑。

可惜我地理解能力弱,走錯路,入左死路,中哂伏。於是乎,兩位戰友大師、肥仔就泥足深陷,睇見到心酸。

好不易穿過樹林,來到了<<福嚴寺>>,聚人剛剛才沒精打彩。但見到和式既外牆,就即時興高彩烈,為的係不斷影相呃LIKE。<<福嚴寺>>既建築風格真係同廣東既甚為唔同。

再向前行就係<<磨鏡台>>。 大家黎到呢個影點,提議影張合照,但有人突然黑過黑面神。朋友,你見到唔好話我。講一番心底話,跟朋友去旅行,當然要一齊嘻嘻哈哈,齊齊整整先係。叫你影合照係重視你,對嗎? 景點你想去邊只要講出來,大家商量共同行動先係一齊去玩。自已粒聲唔出走去第二個景點,搞到大家等左成半粒鐘。六個人既半粒鍾就係3個鐘,點止自私,直情唔識重朋友。

等友人獨自細閱<<何氏別墅>>後,我們也等到花兒也謝了。

大家心中已經在碎碎念,半小時後友人終於斯斯然出來。我地朝著<<藏經殿>>向上爬坡。

天地有正氣,呢度好涼爽。一解心中的火氣,哈哈。

先到<<天柱石室>>,呢度有廁所,可以稍作休息。

再上就係<<天柱石>>,山坡也更加陡峭。

來到<<天柱峰>>山頂有一亭,呢度就係衡山最高點,上到黎豁然開朗。

亭內原來有<<農夫山泉:中國有低頭>>。

五分鐘後,立即變型又得。正官莊應該搵你做代言。

落到車路,朋友阿雨都已經好攰,而且有點病,睇到一架又一架穿梭小巴,個個都想上車,點知司機理都唔理我地,直後直過。後來有一位司機大哥停車,叫我地要到指地地方買飛,先可以上車。來回八十,單程四十五,真係坑爹。

走到<<南天門>>,朋友不適,加上黃昏又大霧,最後大家買車票下山,多謝你四十五大元。

可惜我地早左一站,在半山亭落車。因為大家都有點攰,昨晚瞓火車嘛,都想趁快回民宿,於是<<玄道觀>>、<<麻姑仙境>>都只能過其門。

只有<<靈芝泉>>,聽講係宋美齡游水既地方,所以入去睇下。

果然識歎。

最後經<<福嚴寺>>,走回樹林捷徑入旅館。山區夜晚都好涼,大家都係打邊爐最開心,食飽好好休息一晚,洗乾淨隻腳。

[走進中國。湖南] 果然有點味道@南嶽衡山 DAY1 https://goo.gl/Pk8ozG

[走進中國。湖南] 祝融峰 @南嶽衡山 DAY2 https://goo.gl/UFKi4o

-----------------------------------------------------------------------------------

免責聲明:以上文章純屬筆者對於以上產品的個人感覺, 而效果乃因人而異, 如需協助或獲得更多產品資訊,請直接聯絡該品牌查詢或∕和尋求相關專業意見。

***歡迎合作聯絡合作,產品、食品、穿搭分享: dickyso3213@yahoo.com.hk

 
發表於2017.9.11
留言(0)
博客名稱 :
肥吱吱看世界
網誌名稱:
Dickso's blog
使用天數:848
性別:
電郵:dicky3213@hotmail.com
按月份瀏覽
    2017
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
    2016
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 飲食烹飪
  • 環球旅遊
  • 親子育兒
  • 其他